21/06/2007
你唔做，有大把人做
呢句，真係好淒涼同刻薄既說話．．．．．．
看完同事一篇保安員的訪問稿突然有感。
其實，有時自己都會講這番說話來話比自己聽，香港地，是一個超現實的世界，即一個超級現實的世界。你唔做呀，咪搵第二個囉，nothing is irreplaceable，就好似發泡膠飯盒，用完即棄，棄完再用過。
有技術冇學識的人係咁，有學歷冇技術的人都係。有學歷有學識又有技術的人，香港人請唔起，要請，就請鬼佬，自己人睇唔起自己人。
中國人為咩事要搞到自己咁cheap？有人說，到你冇飯開時，To 做 or not to 做, that is NOT the question。
就係呢一句，搞到人的少少尊嚴都沒有了。有時看到肥爛屎（freelancers）割喉式的減價戰，或是僱主／判頭的不合理要求，像睇死肥爛們：你唔做，大把人做。真係心都痛。
我有時都係肥爛屎，就算不是肥爛屎的時候，我都會同自己講，係，我唔做，有大把人做，不過，我唔做，肯定係你損失！做人，應該仲要有番小小骨氣同尊嚴！就好似我住的大廈那位倒垃圾的泰國阿嬸咁，被旁邊的業主立案法團解催，然後自己搞了間清潔公司，專門做我地楝大廈的清潔，仲賺多左。
唔好下下都用七百萬同十三億果「大把人」來撻人。人是可以提升抗撻能力的。
17:03 發表於 我城，還有我 | 永久網址 | Email this
留言
講得好，講出了好多人的心聲，包括我。
發表人: Kevin | 22/06/2007
什么办法？中国人打中国人，打了几百年还没打完。
發表人: boochap@yahoo.com | 28/06/2007