« 可怒也 | 網頁 | Marie Antoinette »
25/01/2007
虛驚
查實我都係一個怕死之人。我和Miss Lee一樣, 某日摸下摸下, 突然覺得身體內多了一些不知名東西, 胸口有硬塊, 無痛無癢。看得政府宣傳廣告多, 人地仲咁後生, 點解偏偏揀中我?!?!?! 於是, 即使不痛不癢, 聖誕除夕忙完後, 元旦一過立刻去看婦科做個全身檢查。
真係一波三折。踏入2007年的第一個月, 就幫襯了三次醫生。第一次查檢完, 護士說, 有事就會打電話通知, 順便約下次進一步檢查日期。隔了一個星期, 護士小姐來電, 以為是提醒我下次見醫生時間。但是, 第一句就是:「你個報告出左啦。」大事不妙, 有電話通知, 即係有事啦!
於是, 去見了第二次醫生, 然後, 今日是第三次。一位叫S.M.王的女醫生(見到佢個initial, 我幾乎笑了出來)最後說:「你冇事啊。」唔係喎, 你摸真d同睇真d! 醫生見我非常之不放心, 又差不多全真摸了一次, 然後用好溫柔同好有耐心的語氣同我解釋身體每一個部份的問題(如有問題的話)。
當時阿S.M王醫生心裡面一定是在笑我呢個藤雞冇常識, 連腫瘤和脂肪都唔識分。如果唔係, 她身邊個姑娘不會彈一句: 記得年年驗身, 咁就放心啦。
真係嚇餐死, 今晚終於有覺好瞓。
20:19 發表於 我城，還有我 | 永久網址 | Email this
留言
理解！一位朋友有排忙到氣咳，突然感到乳房痛楚，還摸到粒粒......驚了一輪又忙到沒空看醫生。終於看了，醫生說沒大礙，說了一個她不明白的學名，然後叫她得閒記住定期驗身，細心觀察。
記起吾姐一句名言﹕做女人真係好多學問。
發表人: percy | 28/01/2007
好囉，無事就好囉。Percy, 我覺得做女人真係煩。但俾我下世，我都係鐘意做女人。
發表人: MissLee | 28/01/2007
大步'欖'過, 無事就好, 去深圳玩餐勁 gea :P
發表人: sunfai | 30/01/2007